型﹒蛋

點先算有型？

係咪真係要好似００７咁，响戲入面衝鋒陷陣，轉個頭再入温柔鄉，先至算有型？要唔要好似韓劇入邊Ｄ男主角，响雪地度緊緊擁抱
住女友，咁先算有型？Sean Connery 成個胸口都有毛又有冇型？福伯Harrison
Ford又如何？定係要後生仔先型Ｄ？洗唔洗參考吓日本出版o既《型男講座》同埋《人氣男之道》，教大家擺番個型男post？

响現實生活入面，我就遇過有
個同事型爆o既moment。

http://badrabbyt.wordpress.com/2009/01/28/faster-than-a-speeding-bullet/


呢個同事平日靜靜地好少出聲，我亦唔覺得佢特別有男子氣概，又或者有充滿男人味的運動細胞。不過結咗婚o既佢，對太太好體貼，佢太太仲有咗小朋友添。我哋平時都chit chat吓佢太太陀得辛唔辛苦，準備咗小朋友o既用品未。

當日又係閒話家常o既時候，同事話BB預產期仲有一個禮拜，BB媽媽响屋企休養，佢自己就已經準備下個禮拜請假，去歡迎小朋友o既來臨。我哋一班人講得不亦樂乎。

說時遲，那時快，檯頭電話響起，同事飛身接聽。知悉原來太太不適，需要入院。他當即跟老闆交割清楚，以九秒九瞬速離開公司。臨行前不忙回首凝望道：「再見！」然後瀟灑離去。

未幾，可愛o既BB女便降臨人間。

護妻心切，扔下萬事不顧。呢D咪叫做型爆囉，蛋先生！