Byebye USBear，謝謝你們

USBear和JA Company Programme都已經在上周六完滿結束了。一早已經想寫一文紀念之。但昨天都累累的，所以延至今夜才有精神寫。我在FB相關的地方已經留言了，就讓我在這裡寫一個中文版吧。

首先讓我再次回顧USBear今年成功達成什麼目標：

• 成功硏發創意產品USB手帶。一款可以戴在手上身上又可以用的USB記憶棒。
• 在產品包裝和設計的概念都與瀕臨絕種動物有關，我們以此將保護環境，拯救瀕臨絕種動物的訊息帶給大眾。
• 我們成功將部分收益捐贈給Watchdog監護者：一家專門照顧六歲以下學習遲緩小朋友的機構。學生們還有機會去探訪他們。
• USB手帶為我們贏得了最具市場潛力大奬Market Potential Award，得以在中港城再度擺賣我們的產品。為此，學生們更撥出額外的時間將產品做好！
• 銷售方面合乎理想。我們造就了150%回報的佳績。
• 我們獲得了社會責任奬項（Corporate Social Responsibility Award）
  

比起一起參與的其他學校，我們的成績已算屬中上。除此以外，我們更加擁有整組人各種喜怒哀樂的回憶，也希望學生們可以從中增長一些經驗，學到一點點的東西。

對自己而言，雖然我以Business Adviser 身份參加這個progamme，還是要講授一下公司的簡單操作和參與會務。想不到在這樣的情況下，有生以來第一次給人稱呼為「阿Sir，老師」，真的很不習慣。哈哈，畢竟授人以漁，是蠻高尚的事業啊！呵呵呵。

如果同學仔們有幸看到這篇，那麼我也不厭其煩地在此說教一下（唔好怪我chum）：

• 讀書真係幾重要，玩可以留番遲D。到時大個咗一事無成，大把時間你玩。
• 早D做吓research將來想做D乜。揾吓點先可以做到，然後一步步去達成目標。
• 健康最重要，扮靚一D都唔重要。
• 有家底唔係大晒，窮亦都唔係罪過。自己o既路始終都係要靠自己行出來。
  
• Be yourself。一百個人都用既嘢，你唔一定要跟。
• Be confident。自己有缺點唔緊要，最緊要知道自己長處响邊，然後加以改進其他地方。
• Be positive。凡事有危必有機，唔駛睇得咁悲。世界上冇話冇咗乜嘢（或者邊個）係會唔得。
  
• 八卦一D都唔重要。因為八卦入邊D人都唔咪好知自己做緊乜。
• 將個世界睇大D。全世界唔係淨係得香港人有痛苦。
• 睇多D課外書，你會發覺你可以用一個好平o既價錢，去得到人哋成世人o既經驗，好抵。
• 國語同英文，寫聽講都要得。呢兩種係將來同人溝通最最最基本o既工具。
  

仲有，如果你哋唔介意，唔該响呢個blog add番我，等我知道你哋邊個打邊個。亦都歡迎你哋o既comments。

USBear，多謝晒你哋，我哋後會有期！！