日式自助餐

今晚同老婆及M君去o左上環有間日本餐廳度食自助餐。光線唔係咁充足，但係食物就幾新鮮。我份人咩野都食，今晚食物o既水準對我o黎講就已經係幾唔錯。

除o左食物以外，跟久未碰面的M君聚首亦是十分愉快的事情。聽他訴說著工作上的情況，自己十分汗顏，要努力加油至得。數o下數o下，唔經唔覺咁又成十年。一回首就發現，原來十年間大家可以變化好大。我諗我地要為下一個十年繼續奮鬥（如果唔係，到時無野講就唔係幾好）。

順便祝願剛剛乘坐五月花號抵達新大陸的R君，工作上能夠事事順利。你度度都去過，實得o既。

講o左咁耐，我肚入面個D牛肉魚生好似仲未消化晒。睇o黎要過多一陣先好目訓覺。