熱門文章

2010年3月10日 星期三

忙到嘔

呢排患上咗一個壞習慣:就係每晚上網都要嚟睇吓自己個blog有冇人睇,有冇人留言。好似可能會突然多咗D嘢驚喜一下,完全唔記得個blog係自o既,自己唔update就冇理由有嘢睇。

自從農曆新年過後,工作接踵而來,每日都好似唔係好夠瞓咁。我諗呢D都係香港人o既通病。夜晚有時想寫blog又覺得好攰,好懶。

除咗返工,加開咗無限咁多個會之外,工餘都做咗D自己覺得開心o既嘢:自己睇咗早排買番嚟o既BBC DVD。有一個mini-series係演英國詩人拜倫(George Bryon)傳奇o既一生,好好睇。之後又睇完一本哲學小書《Breakfast with Socrates》,作者話俾你聽唔好以為日常生活好似:朝早起身,沖涼,食早餐返工等,看似輕鬆平常,其實當中大有哲可性o既思考同學問响入面。真係唔睇唔知,非常過癮!

依家就同一時間睇緊好幾本書,冇一本睇得完。當中有:講馬多夫(Madoff)如何成為世界上最厲害騙子之《Madoff: The Man Who Stole $65 Billion》;香港著名健筆練乙錚o既第二本文集《香港》;專係寫俾小朋友睇,但係都啱大人o既《A Little History of The World》。仲有其他刊物好似《明月》,《信月》同股神個傳記咁,真係有排先睇得晒!

其實咁樣,都好豐富啊!

沒有留言:

張貼留言