去飲茶者都有成十多個人，但話不投機：澳蟬姐自成一角，與新聘的天竺同事有講有笑；而同事甲又有自己的一堆，大家全程零交流。
如是者一餐又接近尾聲，係時候埋單。正當侍應生將賬單送到我們的一桌，眾人順理成章，將目光投放於同事甲o既老闆澳蟬身上時，點知阿蟬姐好似唔知咁，左顧而右盼，看來佢並冇意思要埋單。於是，我哋又一齊望向大老闆。大老闆原來都係嚟湊吓熱鬧，冇諗過要扲荷包，佢扔下一句：「我冇帶銀包喎！」此時眾人均不知如何是好，面面相覷。
戲肉嚟喇！
响最尷尬緊張o既情況下，坐响大老細旁邊o既頭馬MrFix立時施以援手埋單，以便在稍後時間才AA夾錢。佢一出手，在坐者反應不一，各種表情面色眉目隨之而生，但此一舉動總算將整個場面控制下來。
MrFix為大老闆愛將，追隨大老闆南征北戰多年，營營役役，是老闆少有的心腹。而佢更加係出咗名顧家的好爸爸。年輕時，佢又係一名救生員，去保障市民生命（講唔上保護財產，嗰隻係護衛員）。可以看出，MrFix o既多重身份都係為咗保護他人而設，而佢又將每個角色都做好，勝任有餘。經此一役，連我都當咗佢係偶像。試想我們當中有人遇上困難，MrFix以迅雷不及掩耳之勢，搶在我們面前，像超人一樣將平日的上班西裝扯去，露出了內面的救生員服，以乾坤大挪移之手法，去解一場又一場面懵事件。這是多麼的令人快慰啊！
這種勤奮努力的態度，加上捨身護主的功力，已不知是小寶神功裡的第幾重了。我覺得我輩中人，習得一招半式，雖不足以獨步武林，亦足以保命矣。
http://www.freefoto.com/preview/11-19-52?ffid=11-19-52
沒有留言:
張貼留言