我哋攞咗奬！

我班學生响ＪＡ今年o既Trade Fair 攤位賣物比賽中攞到奬項！我哋隊個名係响全個比賽入面最後最後先公佈，所以佢哋一個個由又失望及冰凍中變成全場High爆，當中有幾個仲好似開水喉閂唔到咁，勁喊！我亦都為咗佢哋多個月來o既努力付出而有所回報，非常感動。

當日一個個到場o既學生都好乖，好多都一早（朝早六點前）就到場幫手。每個人都只係想將件事做好。十幾個人，差唔多個個都有份sell俾Ｄ客；我哋又有後勤負責修補貨品，總之都係好齊心。

做天字第一號攤位（Booth No.1）並唔係咁易，我哋面對住幾方面o既困難：第一，位處偏離，跟中間的連串商舖有距離，人潮自然相對單薄；第二，我哋位置貼近銅獅子旁，位於風口位，加上當日低温，我哋一個個都凍到成條雪條咁。不過我哋排除萬難，用色彩斑斕o既產品去吸引顧客，仲吸引咗ＪＡo既ＣＥＯVivian Choi，王冬勝老闆同鄭大班老闆嚟買嘢，好開心！

鄭大班嚟捧場，睇吓後面Ｄ保安！

USBear同JA CEO Vivian 同王冬勝合照

完咗TradeFair我哋一行人去咗慶功，盡興而歸。雖然身體抱恙，依然無損雅興。

過咗一晚，個個ＤFacebook都係post咗大家攞奬o既消息，你可以想像吓我哋有幾開心。

USBear，多謝晒。I'm so proud of you all!